post左半日，得到大家留意係開心，我最希望係大家聽完心情可以愉快少少，跟住忍唔住再聽，再心情愉快多少少，咁我老人家就安慰。
今次試野，用左30幾隻色塊，慢慢揀，逐隻配，5分鐘唔轉鏡頭角度其實可以好悶好悶，始終係一首中快歌cover。畫面上有條件去盡d。當然係有條件限制既「去盡d」，剪片果位本身已經屬揸流攤級數。有d野要show，有d要避，分part分主客，唔可以永遠都一樣大細，成5分鐘wo.. 多d happening，但又唔可以互相唔關聯，又唔可以太花，睇到人眼花有幾幫到件事？唔可以眼花，畫面唔可以亂，但又唔可以hold太耐。上網搵左極多材料，那怕最後只係用左1成。就係要搵到果最適合既1成。
呢條片裡面4位有2位本身有日本人身分，有1位日文程度達日本標準，有1位就永遠靠羅馬拼音過活維持生命。至於邊個打邊個就唔多講了。
見到留言知道重新編曲令大家un，畫面令大家唔覺有5分鐘咁長，係有成就感；當然lesley同坤哥既化學作用好明顯地幫到好多，我同gen可以安心做自己唱歌。
不過今次成個過程對完美主義者既天秤黎講真係好攰，要絕對100%想做既事情先會以咁樣既時間去做；要抖抖了，起碼俾我抖返果5分鐘。
Search